بحبك يا امى

قبل متقروها ياجماعه عايزة اقولكو ان صاحب القصيدة طالب قدنااسمه شريف وهو الي مالفها في المنتدى الى انا مشتركه فيه لرثاء امه الله يرحمها
انا لما قريتها والله بكيت بجد وقاعدت طول اليوم اعيط لانى حسيت انى بقولها لامى الله يرحمها فعيزاكو تقروا لامى ولام شريف الفاتحه وتوهبوها ليهم وتدعولهم ان ربنا يجعل مثواهم الجنه


بسم الله الرحمن الرحيم
ما كانت تلك السطور رثاءا لأمي , فلم تأتيني الشجاعة و لن تأتني , الشجاعة اللتي تجعل قلمي يكتب رثاءا فيها ,
لكن ما بين أيديكم نقلا لجزء ضئيل من حبي لها ,و شوقي و حنيني للقياها , حتى ولو كان ثمن ذلك أن أنتقل الى عالمها الطاهر .
كتبت تلك الأغنية باللغة العامية , لأني انقل ما أفكر به بالنص بلا زينة ولا زخرفة ولا انشاء.



بحبك يا أمي
و حبك في دمي
بحبك رغم أني
مش حاضناكي أيديا.

بحبك يا أمي
معاكي بنسى ألمي
و ليكي انا أشكي همي
بحبك رغم أني
مش شايفاكي عينيا.

يا أمي واحشني صوتك
واحشني صوت سكوتك
واحشني كلمة في عيونك
_يا أبني يا حتة مني_
واحشني قلقك عليا.

بحبك يا أمي
حبك ساكن ضلوعي
لكن يظهر دموعي
هتطفي نور شموعي
من قبل ما اوصفك.

أنا هوصف حبي ليكي
شوقي لحنان عينيكي
ده لان وصفي فيكي
أبدا مش راح ينصفك.

أنا حبي ليكي زايد
للقاكي والله رايد
دنا حبي ليكي هادد
كل السدود في دنيتي.

أنتي يا حبيبتي كنتي
كنتي أمي و أختي
وسعات والله بنتي
كان يمكن أستغنى بيكي
عن أهلي و صٌحبتي.

مع أن دموعي فاضت
والضحكة في عيني ماتت
لكن سعادتي بانت
و باينه فرحتي.

أنا عارف ان أنتي
يمكن تكوني موتّي
لكن انشا الله واثق
أنك يا أمي شوفتي
نعيم جنة ربنا.

بحبك يا أمي
و حبك في دمي
بحبك رغم أني
مش حاضناكي أيديا.

بحبك يا أمي
معاكي بنسى ألمي
و ليكي انا أشكي همي
بحبك رغم أني
مش شايفاكي عينيا.



رحمك الله يا أمي............... بقلم شريف أشرف

بجد القصيدة حلوة اوى

والله يرحم والدتك ووالدته وكل المسلمين


ويجعلهم من اهل الجنة

طبعا ياقمر القصيده تحفه وجميله اوى
انا اول مرة اتاثر بحاجه بقراها
طول عمرى بتاثر بس بالي بشوفه
وقصيده شريف دى اول حاجه تاثرفيا

ربنا يرحم امى وامه ويجعل مثواهم الجنه

نسيت اقول حاجه انا لسه
بعته تفعيل لشريف حالا
اهون والصراحه استغربت لما شفت اسمه
لان متخيلتش انه ممكن يسجل معانا
بس مش عارفه بقي هو سجل عشان يشوف ردود قصيدته ولا عجبه المنتدى وهيستمر معانا

المهم دا شرف لينا ان المنتدى بتاعنا يبقي فيه شاعر كبير زى شريف
وايهاب كمان مش عايزين ننساه طبعا

منور المنتدى ويارب تفضل معانا علي طول
وطبعا بالنيابه عنى وعن محمد مدير المنتدى والاعضاء كلهم بنرحب بيك معانا بين اخواتك هنا

فعلا القصيدة رائعة

وبشكر شريف وهو فعلا موهوب
ومنور معانا

وربنا يرحم والدته ووالدتك

ميرسي ليكم كلكم يا جماعة على الثناء دا ان شاء الله اكون عضو مشارك معاكم دايما و ميرسي اوي على ذوقكم دا وميرسي ليكي يا سماح على التقدير دا

ميرسي ياشريف ومنور المنتدى
ونرجو الدوام معانا
ونتمنى انه يعجبك