حدوته مصريه

حدوته مصريه
لشاعر الموهوب: احمد الطحمودى

حدوتة مصريه مافيهاش أغانى
و منين أجيب أنا أغنية

حدودتة مصرية مافيهاش أمانى
و فين هلاقى الأمنية ..

برادعى و جمال
و غيرهم مرشحين مية

و انتى يا بلدى عفية و قوية
و لا
ضعيفة و مستعفية

نيلك و أرضك و شعبك
زرعك و قمرك و ضى عينيا

كله فى حدوتة مصرية

خلص زمن الحواديت و مافضلش غير هيّه

قعدت على نيلك طلعتلى جنيّه
قالتلى شبيك لبيك

أنا قولت أمنية
قولتلها عاوز حرية
لا وراثة و لا محسوبية
أنا بس عاوز حرية

طابور العيش فى الصبحية ..


مافيهاش فقير
أبو بدلة فيها زى أبو جلابية

عاوزها أم الدنيا
و ست الحتة ديه ..

ما أنا عاوز فيها الحرية

عيشة هنية
و راحة بال ساعة العصرية

لكان ع البال و لا فى النية
كل ده يحصل ليا
و تنتهى الحكاية فى حدوتة مصرية ..

و بلدنا فيها سر الأمل
و حاجة كده مستخبية ..

نيل من غير مراكب
من غير مراكبية ..

البحر بيضحك ليه و أنا نازلة اتدلع أمللى القلل

البحر بيضحك ليه ؟؟!!!!
دى قللى فاضية فى ايديا

القصيدة بجد جميلة
شكله شاعر موهوب
وميرسى ليكى يا سماح علشان نقلتيه